Սպիտակ տան ղեկավարը նախքան հանդիպումը սոցցանցում գրել է, որ «խաղադրույքները բարձր են»։
Արդեն ինքնաթիռում ճեպազրույցի ժամանակ ասել է`Ուկրաինային թույլ կտա, որ իրենք որոշեն՝ տարածքային փոխանակում անե՞լ Ռուսաստանի հետ, թե՞ ոչ: Թրամփը հնարավոր է համարել, որ ԱՄՆ-ն անվտանգության երաշխիքներ տա Ուկրաինային, սակայն միայն Եվրոպայի հետ միասին և ոչ ՆԱՏՕ-ին Ուկրաինայի անդամակցության միջոցով:
Թրամփը ողջունել է, որ ռուսական պատվիրակությունում բիզնես ոլորտի ներկայացուցիչներ կան, սակայն վստահեցրել է՝ Ռուսաստանի հետ ոչ մի բիզնես չի լինի, քանի դեռ չի դադարեցվել պատերազմը:
Ալյասկայի Անքորիջ քաղաքում մոտ մեկ ժամից կմեկնարկի Միացյալ Նահանգների նախագահ Դոնալդ Թրամփի և Ռուսաստանի առաջնորդ Վլադիմիր Պուտինի հանդիպումը՝ դադարեցնելու Ուկրաինայում արդեն չորրորդ տարին ընթացող պատերազմը: Էլմենդորֆ-Ռիչարդսոն ավիաբազայում նախատեսված պատմական հանդիպումը սկսվելու է նրանց դեմ առ դեմ բանակցություններով, ապա կշարունակվի ընդլայնված կազմով, որին կհետևի մամուլի ասուլիս:
Սա երկու գերտերությունների ղեկավարների առաջին դեմ առ դեմ հանդիպումն է Թրամփի երկրորդ ընտրությունից հետո: